Թուրքիայի ոստիկանությունը հակակոռուպցիոն վարույթի շրջանակներում ձերբակալել է Ստամբուլի քաղաքապետ Էքրեմ Իմամօղլուին, հայտնում է NTV հեռուստաալիքը։
Ստամբուլի հյուսիսում Սարըեր շրջանում գտնվող պաշտոնյայի տանն իրավապահները խուզարկություն են սկսել։
Իմամօղլուին արձանագրությամբ տեղափոխել են բժշկական զննության։ CNN Türk հեռուստաալիքի տվյալներով՝ դրանից հետո քաղաքապետին տեղափոխել են դատարան։
Իմամօղլուն ձերբակալվել է տեղի իրավապահների կողմից իրականացվող լայնածավալ գործողության շրջանակներում։ Քաղաքապետին ձերբակալելու օրդեր է տրվել։
Իմամօղլուն հայտնի է իր ընդդիմադիր հայացքներով, նա համարվում է Թուրքիայի գործող նախագահ Ռեջեփ Թայիփ Էրդողանի գլխավոր մրցակիցը պետության ղեկավարի հնարավոր արտահերթ ընտրություններում, որոնք կարող են տեղի ունենալ 2027 թվականին:
Գլխավոր դատախազության հարցումից հետո Ստամբուլի համալսարանը չեղյալ էր հայտարարել Իմամօղլուի դիպլոմը: Քաղաքապետը նախ սովորել է Հյուսիսային Կիպրոսի բուհում, այնուհետև տեղափոխվել Ստամբուլ, թեև ուսումնական հաստատությունն այն ժամանակ պաշտոնապես չի ճանաչվել։ Թուրքիայում նախագահական ընտրություններին կարող են մասնակցել միայն բարձրագույն կրթություն ունեցող քաղաքացիները։
