ԱՄՆ նախագահ Դոնալդ Թրամփը հայտնել է, որ փետրվարի 14-ին ԱՄՆ-ի, Ռուսաստանի և Ուկրաինայի ներկայացուցիչները կհանդիպեն Գերմանիայում՝ քննարկելու ուկրաինական հակամարտությունը, գրում է Reuters-ը՝ հղում անելով Թրամփին։
Նա հայտնել է, որ հաջորդ շաբաթ նախատեսվում է հանդիպում Սաուդյան Արաբիայում։
«Մյունխենում, իսկ հաջորդ շաբաթ Սաուդյան Արաբիայում հանդիպումներ կլինեն բարձրաստիճան պաշտոնյաների հետ։ Ուկրաինան նույնպես կմասնակցի այդ միջոցառումներին»,- Սպիտակ տանը լրագրողներին ասել է նա։
Թրամփը չի մանրամասնել, թե ինչ ձևաչափով են կայանալու այդ հանդիպումները։ ԱՄՆ նախագահն ընդգծել է, որ ո՛չ ինքը, ո՛չ ՌԴ նախագահ Վլադիմիր Պուտինը ներկա չեն լինի այդ հանդիպումներին:
Փետրվարի 13-ին Թրամփը չէր բացառել, որ Պուտինի հետ կարող է հանդիպել Սաուդյան Արաբիայում։
