Քենիայի մայրաքաղաք Նայրոբիի բնակիչները մտահոգված են քաղաքում, այսպես կոչված, «կատվի հարկի» հնարավոր ներդրմամբ, հայտնում է BBC-ն՝ հղում անելով օրինագծին։
Փաստաթղթի համաձայն՝ ընտանի կենդանիների սեփականատերերից կարող է պահանջվել ձեռք բերել 200 քենիական շիլլինգ (1,5 դոլար) տարեկան արտոնագիր՝ կատաղության դեմ պատվաստման վկայականի հետ:
Եթե օրենքը ընդունվի, սեփականատերերը նույնպես պետք է պատասխանատվություն կրեն իրենց ընտանի կենդանիների «վարքի» համար։ Օրինակ՝ եթե կատուները խախտեն հարևանների անդորրը։
Իշխանությունների կարծիքով՝ «կատվի հարկը» ուղղված է «կենդանիների բարեկեցության բարելավմանը»։ Այնուամենայնիվ, շատ բնակիչներ կասկածի տակ են դնում օրենքի իրագործելիությունը՝ մասամբ քաղաքում թափառող կամ վայրի կատուների մեծ տարածվածության պատճառով: Ըստ քենիացիների՝ նման կենդանիների ճշգրիտ թիվը անհայտ է, սակայն նրանք «ամենուր» են՝ շրջում են փողոցներով, խանութներում և սնունդ են փնտրում աղբավայրերում և ռեստորաններում։
