Թայվանի զինված ուժերն ուրբաթ օրն արձանագրել են Չինաստանի բանակի 19 ինքնաթիռների և երեք ռազմանավերի մոտենալը դեպի կղզի, ասվում է Թայվանի պաշտպանության գերատեսչության հայտարարությունում։ Փոխանցում է РИА Новости-ն։
«Սեպտեմբերի 2-ին Թայվանի զինված ուժերը Թայվանի մերձակայքում՝ ծովում և օդային տարածքում, գրանցել են Չինաստանի բանակի 19 ինքնաթիռի և երեք ռազմանավի ակտիվությունը»,- ասվում է հաղորդագրության մեջ:
Նշվում է, որ Թայվանի նեղուցի, այսպես կոչված, «միջին գիծը» հատել է չորս ինքնաթիռ, այդ թվում՝ մեկ Y-8 հակասուզանավային ինքնաթիռ, երկու J-16 կործանիչ և մեկ Y-8 ռադիոէլեկտրոնային հակամարտության ինքնաթիռ։
Գործակալության տվյալներով՝ Թայվանն օդային պարեկ է ուղարկել՝ իրավիճակը վերահսկելու համար, ռադիոնախազգուշացումներ է տվել և տեղակայել զենիթահրթիռային համակարգեր։
