Ռուսաստանն ու Իրանը պայմանավորվել են ինքնաթիռների սարքավորումների մատակարարման շուրջ

Իրանն ու Ռուսաստանը համաձայնագիր են ստորագրել Ռուսաստան մասերի և ինքնաթիռների սարքավորումների արտահանման վերաբերյալ։ Այս մասին հայտնում են իրանական լրատվամիջոցները՝ հղում անելով Իսլամական Հանրապետության քաղաքացիական ավիացիայի վարչության ներկայացուցիչ Միրաքբար Ռազավիին։

Համաձայնագրով մեխանիզմ է սահմանվում ռուսական ինքնաթիռների համար իրանական սարքավորումների մատակարարման, ինչպես նաև իրանական վերանորոգման կենտրոնների կողմից ռուսական ինքնաթիռների վերանորոգման և սպասարկման ծառայությունների և տեխնիկական աջակցության տրամադրման համար:

Երկրները նաև փոխըմբռնման հուշագիր են ստորագրել, ըստ որի՝ պայմանավորվել են ուղևորափոխադրումների թիվը հասցնել շաբաթական 35-ի, հավելել է Ռազավին։