Երևանի «Զվարթնոց» օդանավակայանում հունիսի 10-ի երեկոյան քաղաքացիները հավաքվել էին դիմավորելու Ամենայն Հայոց կաթողիկոս Գարեգին Բ-ին: Հայաստան վերադարձած հայ առաքելական եկեղեցու առաջնորդին ներկաները դիմավորել են ծափերով։
Մայր Աթոռ Սուրբ Էջմիածնի մամուլի ծառայության փոխանցմամբ՝ կաթողիկոսն Արաբական Միացյալ Էմիրություններում էր, որտեղ հանդիպումներ է ունեցել Կալկաթայի Սուրբ Նազարեթ եկեղեցու և Հայ բարեգործական ճեմարանի հոգաբարձուների հետ:
Գարեգին Բ-ի վերադարձը տեղի է ունեցել ՀՀ վարչապետ Նիկոլ Փաշինյանի՝ եկեղեցու առաջնորդի հրաժարականի և նոր կաթողիկոսի ընտրության պահանջները քննարկելու համար համակարգող խումբ ստեղծելու մասին հայտարարության ֆոնին: Փաշինյանի նախաձեռնությունը քննադատել էին ԱԺ ընդդիմադիր «Պատիվ ունեմ» և «Հայաստան» խմբակցությունները՝ աջակցություն հայտնելով կաթողիկոսին։
