Խառը մենամարտերի (ММА) ռուսաստանաբնակ հայազգի մարտիկ Արման Ծառուկյանն ընդգրկվել է UFC-ի (Ultimate Fighting Championship) լավագույն մարտիկների վարկանիշում։
Ծառուկյանը կրկին զբաղեցնում է UFC-ի տղամարդկանց լավագույն 15 քաշային կարգի մարտիկների վարկանիշային աղյուսակի 15-րդ հորիզոնականը։ Ծառուկյանը փոխարինել է Շոն Օ’Մալիին, ով հեռացվել է վարկանիշային աղյուսակից։
Ծառուկյանը նաև շարունակում է մնալ UFC-ի վարկանիշային աղյուսակի լավագույն թեթև քաշային մարտիկը։
Հունիսի 1-ին Ծառուկյանը գրեփլինգի մենամարտում հաղթել էր բրազիլացի Պատրիկ Ֆրեյրին։ Մենամարտն ավարտվել էր 5-րդ ռաունդում՝ Ծառուկյանի վաղաժամ հաղթանակով։
Հունվարին Լոս Անջելեսում (ԱՄՆ) տեղի էր ունեցել խառը մենամարտերի UFC 311 մրցաշարը։ Առաջնության թեթև քաշային կարգում չեմպիոն Մախաչովը հաղթել էր բրազիլացի Ռենատո Մոյկանոյին և չորրորդ անգամ նվաճել չեմպիոնական գոտին: Մոյկանոն մարտի էր դուրս եկել Ծառուկյանի փոխարեն, որը վնասվածքի պատճառով հրաժարվել էր Մախաչևի դեմ մրցապայքարից։ Փետրվարին Ծառուկյանը համոզմունք էր հայտնել, որ իր և Մախաչովի մենամարտը տեղի է ունենալու։
