Հայաստանի բասկետբոլի ազգային հավաքականը ԱՄՆ-ում անցկացվող ուսումնամարզական հավաքի շրջանակներում ընկերական խաղում հաղթել է Կոստա Ռիկայի ընտրանուն, հայտնում է Հայաստանի բասկետբոլի ֆեդերացիան։
Խաղն ավարտվել է 86:62 հաշվով՝ հօգուտ Հայաստանի հավաքականի։
Անդրե Սպայթ Մկրտչյանը ճանաչվել է հանդիպման լավագույն բասկետբոլիստ։ Նա այս խաղում վաստակել է 21 միավոր, 4 անգամ կատարել է արդյունավետ փոխանցում, 6 անգամ տիրել է օղակից անդրադարձող գնդակին:
Բարձր արդյունավետ խաղ է ցուցադրել նաև Արտյոմ Թավակալյանը, ով վաստակել է 18 միավոր, կատարել 3 արդյունավետ փոխանցում և 5 անգամ տիրել օղակից անդրադարձող գնդակին:
Թիմերի միջև երկրորդ հանդիպումը տեղի կունենա հունիսի 9-ին՝ Գլենդելում: Խաղը կմեկնարկի Երևանի ժամանակով առավոտյան ժամը 6։00-ին:
