Չեմպիոնների լիգայի խաղարկության եզրափակիչ խաղում ՊՍԺ (Ֆրանսիա) – «Ինտեր» (Իտալիա) հանդիպումն ավարտվել է ֆրանսիական թիմի հաղթանակով՝ 5։0 հաշվով։
Մյունխենի «Ալյանս Արենայում» կայացած խաղում գոլերի հեղինակներ են դարձել պաշտպան Աշրաֆ Հակիմին, հարձակվող Դեզիրե Դուեն (դուբլ), Խվիչա Կվարացխելիան և Սինա Մայուլուն։
Հայաստանի ֆուտբոլի ազգային հավաքականի նախկին ավագ Հենրիխ Մխիթարյանն «Ինտերի» մեկնարկային կազմում էր և փոխարինվեց խաղի 62-րդ րոպեին։
Մայիսի 7-ին Մխիթարյանը հայտարարել էր, որ Իտալիայի սիրտը զարկում է սև ու կապույտ գույներով և հաղթանակի հույս էր հայտնել։
