Կիպրոսի Լիմասոլ քաղաքում կայացած սամբոյի Եվրոպայի առաջնությունում Հայաստանի հավաքականը բոլոր տարիքային խմբերի ընդհանուր հաշվարկով 21 մեդալ է նվաճել, հայտնել են Հայաստանի սամբոյի ֆեդերացայից։
Հայաստանի հավաքականն, ընդհանուր առմամբ, 3 ոսկե, 5 արծաթե և 13 բրոնզե մեդալ է նվաճել, հավելել են ֆեդերացիայից։
Ֆեդերացիան հիշեցրել է, որ տղամարդկանց մեծահասակների թիմում մեդալակիրներ են դարձել Արման Ավանեսյանը, Համլետ Սուքիասյանը, Մհեր Մերջանյանը, Արթուր Մալխասյանը, Ավետիք Պողոսյանը, Դավիթ Հովսեփյանը։
Երիտասարդների հավաքականում մեդալակիրներ են դարձել Մհեր Օհանյանը, Արշակ Բեկչյանը, Սեյրան Սարուխանյանը, Սամվել Ղազարյանը, Էրիկ Սաղաթելյանը, Արսեն Հայրապետյանը։ Պատանիների թիմում հաղթանակներ են գրանցել Գոռ Շատվերյանը, Ջոնիկ Օզմանյանը և Գոռ Աղասարյանը։
Աղջիկների հավաքականում մեդալներ են նվաճել Միլենա Առաքելյանը, Մանուշակ Խաչատրյանը, դեռահաս տղաների թիմում՝ Արայիկ Պետրոսյանը, Արամ Կիրակոսյանը, Գոռ Մուրադյանը, Գոռ Անտոնյանը։
Առաջնությունն անցկացվել է ապրիլի 22-28-ը։
