Օլիմպիական չեմպիոն, բազմակի մրցանակակիր, աշխարհի քառակի, Եվրոպայի յոթակի չեմպիոն, հունահռոմեական ոճի ըմբիշ Արթուր Ալեքսանյանը վնասվածքի պատճառով հունահռոմեական ոճի ըմբշամարտի Եվրոպայի առաջնության բրոնզե մեդալի համար պայքարում չի գոտեմարտի, հայտնել են Հայաստանի ըմբշամարտի ֆեդերացիայից։
Միևնույն ժամանակ, Ալեքսանյանը և մարզիչ Արմեն Բաբալարյանը, ըստ ֆեդերացիայի, ստացել են 2024 թվականի Եվրոպայի լավագույն մարզիկի և մարզչի պարգևները։
Մարտի 12-ին Ալեքսանյանը (97 կգ) պարտվել էր բուլղարացի Կիրիլ Միլովի հետ մարտում։
Ալեքսանյանը սեղմման ուժի համաշխարհային ռեկորդ էր սահմանել։ Նա ճանաչվել էր Եվրոպայի հունահռոմեական ոճի 2024 թվականի լավագույն ըմբիշ։
Հունահռոմեական ոճի ըմբշամարտի Եվրոպայի առաջնությունում Հայաստանը ներկայացնող Կարեն Ասլանյանը (63 կգ) և Մալխաս Ամոյանը (77 կգ) եզրափակչում հանդես գալու իրավունք էին նվաճել։
Ազատ ոճի ըմբիշներ Արսեն Հարությունյանը (61 կգ) և Արման Անդրեասյանը (70 կգ) Բրատիսլավայում ընթացող Եվրոպայի առաջնությունում արծաթե մեդալներ էին նվաճել։ 65 կգ քաշային Վազգեն Թևանյանը բրոնզե մեդալ էր նվաճել։
