Երգիչ Հայկ Պետրոսյանը Երևանի «Արտ Կվարտալ»-ում հուլիսի 11-ին՝ ժամը 19:30-ին, համերգով կներկայացնի Կոմիտասի երգերը՝ «Ի՞նչ կա Սյունիք» ծրագրին աջակցելու նպատակով կազմակերպված բարեգործական միջոցառման շրջանակում։
Միջոցառման ընթացքում կներկայացվեն նաև աշխատանքներ, որոնք ստեղծվել են 2022 թվականին իրականացված «Ի՞նչ կա Արցախ» ծրագրի շրջանակում։ Կանցկացվի նաև ոչ պաշտոնական շփում և ծանոթություն «Արտ Կվարտալ» տարածքի հետ՝ որպես ստեղծագործական հարթակ։
Հավաքված միջոցների շնորհիվ 20 նկարիչ կուղևորվի Սյունիքի մարզի քաղաքներ և գյուղեր՝ տեղացիների հետ ապրելու, ստեղծագործելու և աշխատելու համար։ Միջոցառումը կազմակերպել է վավերագրողների «Ակն ընդ ական» համայնքը։
