Հայաստանում ԵՄ քաղաքացիական դիտորդական առաքելությունն իրականացրել է իր 5000-րդ պարեկությունը հայկական կողմի սահմանի երկայնքով, գրված է առաքելության X-ի էջում։
«Տարածաշրջանում խաղաղությունն ու անվտանգությունը պահպանելու մեր հանձնառությունը մնում է անսասան: Մենք երախտապարտ ենք այն վստահության և վստահության համար, որ Հայաստանը ցուցաբերել է մեզ»,- ասվում է գրառման մեջ։
ԵՄ քաղաքացիական առաքելությունը Հայաստանում մեկնարկել էր 2023 թվականի փետրվարի 20-ին։ 2024 թվականի նոյեմբերի 23-ին ՀՀ վարչապետ Նիկոլ Փաշինյանը հայտարարել էր, որ Ադրբեջանին առաջարկել է ԵՄ դիտորդներին հանել սահմանազատված հատվածներից։ Սեպտեմբերի 1-ին Ադրբեջանի նախագահի օգնական Հիքմեթ Հաջիևը հայտարարել էր, որ Երևանի և Բաքվի միջև սահմանազատման հանձնաժողովի վերաբերյալ պայմանավորվածությունը «բավարար է» ԵՄ դիտորդական առաքելությունը Հայաստանից դուրս բերելու համար։
Հունվարի 30-ին ԵՄ խորհուրդը երկու տարով երկարաձգել էր Հայաստանում ԵՄ քաղաքացիական դիտորդական առաքելության մանդատը։
