Հայաստանում Ֆրանսիայի նախկին դեսպան Ջոնաթան Լաքոտը ցավակցություն է հայտնել Երևանի «Սուրմալու» առևտրի կենտրոնում տեղի ունեցած ողբերգության կապակցությամբ։
«Բոլորս էլ կուզենայինք ավելի լուսավոր թեմաներով ճանաչել Հայաստանը, նրա գեղեցկությունը, նրա ուրախությունն ու հյուրընկալությունը, բայց այսօր մի տխուր միտք ունեմ սարսափելի պայթյունից սգացող Երևանի մասին։ Ցավակցում եմ Հայաստանում գտնվող իմ ընկերներին»,- ֆեյսբուքյան իր էջում գրել է դիվանագետը։
Օգոստոսի 14-ին «Սուրմալու» առևտրի կենտրոնի տարածքում պայթյուն է որոտացել և խոշոր հրդեհ է բռնկվել։ Առևտրի կենտրոնում տեղի ունեցած պայթյունի փաստով քրեական գործ է հարուցվել։
