Հայաստանի առաջին հայրենական արբանյակ «Հայասաթ-1»-ը ապրիլի 26-ին վերջին անգամ հատել է Կարմանի գիծը (տիեզերքի պայմանական սահմանը) և ավարտել իր առաքելությունը, տեղեկացրել են «Բազումք» տիեզերական հետազոտությունների լաբորատորիայից։
««Հայասաթ-1»-ը կատարեց իր առաքելությունը և մեզ տվեց անհրաժեշտ արժեքավոր տեղեկություներ ու փորձ, ինչը մեզ թույլ կտա շարժվել առաջ` դեպի ավելի մեծ և ավելի հավակնոտ նպատակներ»,- ասված է հրապարակման մեջ։
«Հայասաթ-1»-ը տիեզերք էր արձակվել 2023-ի դեկտեմբերին։ 2024-ի նոյեմբերին Գլխավոր դատախազությունից Armenia Today-ին առանց մանրամասների հայտնել էին, որ տիեզերք բարձրացած հայկական առաջին արբանյակին առնչվող քրվարույթ է նախաձեռնվել։
2024-ի հոկտեմբերին «Հրապարակ» օրաթերթը գրել էր ԲՏԱ նախարար Մխիթար Հայրապետյանի արած բացահայտումների մասին, ըստ որի՝ «ԲՏԱ նախկին նախարար Ռոբերտ Խաչատրյանի պաշտոնավարման ընթացքում հայկական արբանյակը տիեզերք ուղարկելու ծրագրի համար նախարարությունում 8 մլն դոլար են վատնել»։
