Խաղաղության հասնելու հարցում Ադրբեջանի և Հայաստանի դիրքորոշումներն այսօր բավականին մոտ են, Բաքվում Գերմանիայի նախագահ Ֆրանկ-Վալտեր Շտայնմայերի հետ համատեղ ասուլիսում հայտարարել է Ադրբեջանի նախագահ Իլհամ Ալիևը, հայտնում են ադրբեջանական լրատվամիջոցները։
Ըստ Ալիևի՝ Հայաստանի պարտությունը (44-օրյա պատերազմում- խմբ․) նպաստել է Երևանի և Բաքվի դիրքորոշումների մոտեցմանը։
2020 թվականի սեպտեմբերի 27-ի առավոտյան Ադրբեջանը Թուրքիայի աջակցությամբ և միջազգային վարձկանների ներգրավմամբ հարձակվել էր Արցախի Հանրապետության վրա։ 44 օր տևած պատերազմի ընթացքում ադրբեջանական զինուժը հրետանային և հրթիռային հարվածների էր ենթարկել Արցախի խաղաղ բնակավայրերը՝ կիրառելով նաև արգելված կասետային զինամթերք։
Ադրբեջանի սանձազերծած պատերազմի հետևանքով հայկական կողմից զոհվածների թիվը գերազանցել էր 4000-ը, այդ թվում՝ զինվորականներ և քաղաքացիական անձինք։ Հայաստանի մարդու իրավունքների պաշտպան Արման Թաթոյանի խոսքով՝ 2022 թվականի տվյալներով անհայտ կորած է համարվում 303 մարդ։
Կարդացեք նաև՝
Ապրիլյան քառօրյա պատերազմի 9-րդ տարելիցն է։
