Հայազգի ռոք-երաժիշտ Սերժ Թանկյանը, «Փինք Ֆլոյդ» ռոք խմբի մենակատար Ռոջեր Ուոթերսը և մի քանի այլ երաժիշտներ Ադրբեջանի կողմից Լեռնային Ղարաբաղում հումանիտար ճգնաժամի սրման և Հայաստանի Հանրապետության հետ լարվածության ֆոնին բաց նամակ են պատրաստել ՝ կոչ անելով ավելի վճռական միջամտել Արցախում առկա իրավիճակին, գրում է spin.com կայքը։
«Շրջափակումից ի վեր Լեռնային Ղարաբաղի բնակիչները ապավինում են ռուսական խաղաղապահ ուժերի և Կարմիր Խաչի մարդասիրական օգնությանը», – ասված է նամակում, որը, բացի Թանկյանից ու Ուոթերսից ստորագրել են նաև այնպիսի երաժիշտներ, ինչպիսիք են Փիթեր Գաբրիելը, Ռոջեր Ուոթերսը, Թոմ Մորելոն, Ստյուարտ Քոփլենդը և այլ հանրահայտ անձինք:
Նամակում նշվում է նաև, որ ադրբեջանցիներն այժմ արգելափակում են նաև մարդասիրական օգնությամբ ավտոշարասյունների մուտքն ու ելքը, և հումանիտար ճգնաժամը խորանում է։
«Խանութներում սպառվում են առաջին անհրաժեշտության ապրանքները։ Հիվանդանոցները դեղերի և բժշկական պարագաների սուր պակաս ունեն։ Փետրվարին [Միավորված Ազգերի Կազմակերպության] բարձրագույն դատական մարմինը՝ պարտավորեցրել էր Ադրբեջանին ապահովել ազատ տեղաշարժը ճանապարհներով», – նշվում է նամակում։
Թանկյանը կայքին տված հարցազրույցում գործողությունների կոչ է արել։
«Բոլորն աջակցում են շրջափակման բացմանը՝ Միացյալ Նահանգներից մինչև Պետդեպարտամենտ և Եվրամիություն, բայց դրանք բոլորը բառեր են։ Մարդկանց սովամահ լինելու պայմաններում բռնապետական ռեժիմին ուղղված անօրինական շրջափակումը բացելու հրամանը չի օգնի նրանց գոյատևել: Սրանք ընդամենը բառեր են: Ոչ մի գործողություն չկա, և դա է խնդիրը: Բոլորն արդեն դատապարտել են , բայց ոչ ոք ոչինչ չի անում։ Օրինակ, USAID-ը (ԱՄՆ Միջազգային զարգացման գործակալությունը) կարող էր հեշտությամբ ասել Ադրբեջանին, որ մենք պատրաստվում են ավելացնել մատակարարումները։ Նրանք Հայաստանում գրասենյակ ունեն, իսկ Հայաստանի կառավարությունն ունի պաշարներ, որոնք պարապ են մնացել ։ Մենք փորձեցինք կապվել [USAID-ի ադմինիստրատոր] Սամանթա Փաուերի հետ, որպեսզի նրա ուշադրությունը հրավիրենք այս խնդրի վրա, նա տեղյակ է ամեն ինչի մասին, քանի որ այդ մասին գրել է Twitter-ում», – նշել է Թանկյանը։
Հունիսի 15-ին Ադրբեջանը արգելել է մարդասիրական ուղևորափոխադրումները և բեռնափոխադրումները Լաչինի միջանցքով։ Հունիսի 22-ին ադրբեջանցիները բետոնե պատնեշներ են տեղադրել նաեւ Լաչինի միջանցքի մուտքի մոտ։
