Համաշխարհային լրագրողները Բաքվից և ռուս խաղաղապահներից պահանջել են իրենց թույլ տալ մուտք գործել Լեռնային Ղարաբաղ

Լրագրողների եվրոպական ֆեդերացիան (EFJ) և Լրագրողների միջազգային ֆեդերացիան կոչ են արել Ադրբեջանի իշխանություններին և ռուս խաղաղապահներին թույլ տալ ԶԼՄ-ների ներկայացուցիչներին մուտք գործել Լեռնային Ղարաբաղ, հայտնում է EFJ-ի ֆեյսբուքյան էջը։

Ադրբեջանական բանակը կանգնեցրել է Լրագրողների միջազգային ֆեդերացիայի գլխավոր քարտուղար Էնթոնի Բելանգերին և Ադրբեջանի մամուլի խորհրդի փոխնախագահ Մուշֆիգ Ալասկերլիին Ստեփանակերտ գնալիս՝ ռուսական անցակետից 100 մետր հեռավորության վրա, ասվում է զեկույցում։

Դեռևս մարտին «Լրագրողներ առանց սահմանների» կազմակերպությունը այս պահանջով դիմել էր ադրբեջանական և ռուսական կողմերին։