Ռուս խաղաղապահները Ստեփանակերտի աշակերտներին ուղեկցել են Ամարաս

Արցախում տեղակայված ռուսական խաղաղապահ զորախումբն արձագանքել է Ամարաս վանական համալիր այցելելու խնդրանքով իրենց դիմած Ստեփանակերտի աշակերտներին։ Այս մասին հայտնում են ԼՂ-ում ռուսական խաղաղապահ զորախմբի Telegram-ալիքում։

«Ստեփանակերտի ուսումնական հաստատությունների ղեկավարներն դիմել են ռուսական խաղաղապահ զորախմբի ղեկավարությանը՝ Ամարաս վանք այցելելիս ուսումնական հաստատությունների աշակերտների անվտանգությունն ապահովելու համար: 

Ռուս խաղաղապահները արձագանքեցին և օգնություն ցուցաբերեցին վանքի տարածքում շրջայցի և էքսկուրսիայի ճանապարհին անվտանգության ապահովման գործում:

Ամարասը Արցախի հարավ-արևելյան մասում գտնվող վաղ միջնադարյան վանական համալիր է, հիմնադրվել է IV դարի սկզբին՝ Սուրբ Գրիգոր Լուսավորչի կողմից։