Թուրքիայի նախագահ Ռեջեփ Թայիփ Էրդողանի պաշտոնական ներկայացուցիչ Իբրահիմ Քալընը հայտարարել է, որ Ռուսաստանի դեմ Արևմուտքի ձեռնարկած միջոցներն անարդյունավետ են եղել, փոխանցում է Интерфакс-ը։
Նրա խոսքով՝ պատժամիջոցներն ակնկալվող արդյունքը չտվեցին կամ ռուսական տնտեսության առանձնահատկությունների, կամ դրանց դիմակայելու ռուս ժողովրդի ունակության շնորհիվ։
Քալընն ասել է, որ թուրքական իշխանությունները չեն ծրագրում միանալ հակառուսական պատժամիջոցներին, քանի որ դրանք ավելի շատ վնաս են հասցնում հենց Թուրքիայի տնտեսությանը, քան Ռուսաստանին:
