ԱՄՆ Պետքարտուղարության Կովկասի հարցերով ավագ խորհրդական, ԵԱՀԿ ամերիկացի համանախագահ Էնդրյու Շոֆերը ժամանել է Ադրբեջան։
Այս մասին Twitter-ում հայտնել է Ադրբեջանում ԱՄՆ դեսպանատունը։
«Մենք ողջունում ենք Կովկասում բանակցությունների հարցերով ԱՄՆ Պետքարտուղարության գլխավոր խորհրդական Էնդրյու Շոֆերին, որն ապրիլի 24-ից 29-ը կայցելի Բաքու։ ԱՄՆ-ը հավատարիմ է երկկողմ և բազմակողմ ձևաչափով համագործակցությանը՝ խաղաղ, ժողովրդավարական և բարգավաճող Հարավային Կովկասին աջակցելու համար»,- նշվում է դիվանագիտական առաքելության հրապարակման մեջ:
