ՀՀ նախագահ Վահագն Խաչատուրյանը հրամանագրեր է ստորագրել Ճապոնիայում, Կամբոջայում և Մոլդովայում Հայաստանի նոր դեսպաններ նշանակելու մասին։
Մոնիկա Սիմոնյանը նշանակվել է Ճապոնիայում ՀՀ դեսպան։ Մեկ այլ որոշմամբ՝ նախագահը հետ է կանչել Արեգ Հովհաննիսյանին Ճապոնիայում, Կորեայում, Ավստրալիայում և Նոր Զելանդիայում դեսպանի պաշտոնից։
Մոլդովայում դեսպան կդառնա Տիգրան Գալստյանը, ով նաև համատեղությամբ Ռումինիայում ՀՀ դեսպանն է։ Վիետնամում Հայաստանի ներկայացուցիչ Սուրեն Բաղդասարյանը համատեղության կարգով նշանակվել է Կամբոջայում ՀՀ դեսպան։
