ՍԴ դատավորի պաշտոնում իշխանությունները քննարկում են ՀՀ արդարադատության նախկին նախարար Արտակ Զեյնալյանի թեկնածությունը, հայտնել է «Ժողովուրդ» օրաթերթը։
Ըստ թերթի՝ նրան սատարում է ՀՀ վարչապետ Նիկոլ Փաշինյանը։ Զեյնալյանը թերթին չի մեկնաբանել իր թեկնածության հարցը։ «Առանց մեկնաբանության»,- ասել է նա լրատվականին:
Փետրվարի 20-ին թերթը գրել էր, որ ՍԴ նախագահ Արման Դիլանյանը մտադիր է ՔՊ պատգամավոր Վլադիմիր Վարդանյանին ՍԴ տանել որպես դատավոր, սակայն Փաշինյանը դրան ոչ մի կերպ չի արձագանքել։
Զեյնալյանը Երևանի ավագանու «Հանրապետություն» խմբակցության անդամ է։ Նա 2019 թվականին հրաժարական էր տվել Արդարադատության նախարարի պաշտոնից: 2022 թվականի հունիսի 27-ին Զեյնալյանը Վճռաբեկ դատարանի վարչական պալատի դատավորի թեկնածու էր, սակայն չընտրվեց ՔՊ-ի կողմից:
