ԱԳ փոխնախարար Պարույր Հովհաննիսյանը չի բացառել հայ-թուրքական սահմանից ռուս զինվորականների դուրս գալը։
«Իհարկե, իդեալական աշխարհում ամեն մի երկիր պետք է ի վիճակի լինի վերահսկել իր սահմանները»,- ասել է նա:
Հովհաննիսյանը նշե; է, որ առաջիկա շաբաթներին ԱՄՆ մաքսային և սահմանային պարեկային թիմը Հայաստան ուղարկելու մասին ԱՄՆ արդեն նախկին պետքարտուղար Էնթոնի Բլինքենի հայտարարությունը գործնականում նշանակում է հայ գործընկերների անվտանգության կարողությունների զարգացման վրա աշխատել։
«Այդ աջակցությունը գտնվում է մեր կարողությունների բարձրացմանը համապատասխան փորձառության կիսմամբ»,- նշել է փոխնախարարը:
Հայաստանը ռազմավարական երկխոսություն էր սկսել ԱՄՆ-ի հետ 2022 թվականի մայիսին՝ Միրզոյանի և Բլինքենի միջև Վաշինգտոնում կայացած հանդիպումից հետո։ Հունիսի 11-ին Միրզոյանը հայտարարել էր ԱՄՆ-ի հետ երկխոսությունը ռազմավարական գործընկերության ընդլայնման ծրագրերի մասին։
Երկրները հունվարի 14-ին ստորագրել էին ռազմավարական գործընկերության կանոնադրությունը։ Փաստաթուղթը Վաշինգտոնում ստորագրել էին ՀՀ ԱԳ նախարարը և ԱՄՆ պետքարտուղարը։
Բլինքենը փաստաթղթի ստորագրումն անվանել էր «նշանակալի անկյունաքարային ձեռքբերում երկու երկրների հարաբերություններում» և նշել, որ ԱՄՆ-ն Հայաստանի հետ անվտանգության և պաշտպանության ոլորտներում մասնավորապես միտված են ամրապնդելու ՀՀ-ի ինքնավարության պաշտպանությունը: Նա հավելել էր, որ առաջիկա շաբաթներին ԱՄՆ մաքսային և սահմանային պարեկային թիմը կուղևորվի Հայաստան, որպեսզի հայ գործընկերների հետ աշխատի սահմանային անվտանգության կարողությունների զարգացման վրա։
