Ամերիկագետ Սուրեն Սարգսյանը ՀՀ իշխանություններին խորհուրդ է տվել փոխել ԱՄՆ-ում ՀՀ դեսպան Լիլիթ Մակունցին՝ ԱՄՆ նախագահի ընտրություններում նրա՝ դեմոկրատական կուսակցության թեկնածու Քամալա Հարիսին շարունակական աջակցելու համար։
Նա նշել է, որ ԱՄՆ-ում ծայրահեղ լիբերալիզացիայից քաղաքացիների բողոքի արդյունքում և հետևանքով եկել է նոր վարչակազմ է, որն ունի նոր արժեհամակարգ, պահպանողական հայացքներ, քրիստոնեական խոր հավատք: Ըստ Սարգսյանի՝ կրոնի գործոնը չի կարող կարևոր չլինել ԱՄՆ նորանշանակ նախագահ Դոնալդ Թրամփի վարչակազմի համար:
«Վերջիվերջո, 82% ավետարանական բողոքականներ նշել են, որ նախապատվությունը տվել են Թրամփին: Նույնը վերաբերում է 61% կաթոլիկներին և 58% ոչ ավետարանական բողոքականներին»,- նշել է նա։
Սարգսյանը շեշտել է, որ աջակիցների հետ իր հանդիպումներում Թրամփը խոստացել էր բարձրացնել ոչ միայն պահպանողական քրիստոնյաների քաղաքական դերկատարումը, այլև նրանց գաղափարական ազդեցությունը։ Նա խոստացել էր, որ կարգելի այլ սեռերի կիրառումը քանի որ Աստված ստեղծել է միայն երկու սեռ՝ արական և իգական։ Նա խոստացել էր հիմնել դաշնային հանձնաժողով՝ հակաքրիստոնության դեմ պայքարելու համար և առավել մեծ դերակատարություն ապահովել պահպանողական քրիստոնյա երիտասարդ առաջնորդներին: Նա նաև խոստանում է փրկել կրոնն Ամերիկայում»,- հիշեցրել է ամերիկագետը։
Սարգսյանի խոսքով՝ Հայաստանի իշխանությունները բացեիբաց աջակցում էին Դեմոկրատներին, իսկ Հանրապետականները շատ լավ գիտեն իրենց նկատմամբ այս տեսակ վերաբերունքի մասին:
«Մակունցն այնքան անթաքույց վերաբերմունք ունի Հանրապետականների նկատմամբ, որ նրանց միջոցառումներին մասնակցելուց դրա մասին խուսափում է գրառումներ կատարել դեսպանության ֆեյսբուքյան էջում»,- գրել է փորձագետը:
Նա հայտարարել է, որ Թրամփի վարչակազմի հետ լոբբիստական և շահերի պաշտպան կազմակերպություններից զատ կարող է շատ արդյունավետ աշխատել Հայ Առաքելական եկեղեցին, մանավանդ, որ Արամ Առաջինի հետ Թրամփի կոնտակտն արդեն իսկ ստացվել է, իսկ Գարեգին Երկրորդի հետ՝ կստացվի:
2024 թվականի նոյեմբերի 6-ին Թրամփը հայտարարել էր ԱՄՆ նախագահական ընտրություններում իր հաղթանակի մասին։
