Yandex-ը գրանցում է 7 միավոր ծանրության խցանում։ Հատկանշական է, որ խցանում գրանցվում է մայրաքաղաքի կենտրոնական հատվածներում։
Նշենք, որ վաղ առավոտից փակվել են մայրաքաղաքի մի շարք փողոցներ։ Ըստ ընդդիմության առաջնորդ Իշխան Սաղաթելյանի՝ դրանք 50-ն են։
«Դիմադրություն» շարժումն ավելի վաղ հայտնել էր, որ այսօր՝ առավոտյան 08։00-ից, ողջ մայրաքաղաքում անհնազանդության ակցիաներ են իրականացնելու:
Իշխան Սաղաթելյանը երեկ հայտարարել էր, որ առավոտից փակելու են փողոցներ և պարալիզացնելու են մայրաքաղաքի երթևեկությունը։ Նա կոչ է արել սովորողներին դասերի չհաճախել, աշխատողներին չգնալ աշխատանքի՝ տեղեկացնելով գործատուին, և միանալ ընդդիմության պայքարին։
