Մենք եկել ենք հենց այն նպատակով, որ դատական նիստը չհետաձգվի։ Այս մասին այսօր ՀՀ վերաքննիչ քրեական դատարանի մոտ լրագրողների հետ զրույցում ասաց Գագիկ Ծառուկյանի պաշտպան Երեմ Սարգսյանը։
« Հաշվի առնելով այն ծավալը, որն առկա է՝ Դատախազության բողոքը, պաշտպանների մի քանի բողոքները, կարծում եմ, այսօր, ժամանակի առումով հնարավոր չի լինի ավարտել, բայց ընթացքը ցույց կտա»- ասաց Սարգասյանը:
Անդրադառնալով պաշտպանների բողոքի բովանդակությանն՝ ասաց. «Ոչ միայն հիմնավոր կասկածի բացակայությունն է, այլ նաեւ ՀՔԾ-ի քննության մասը, ԱԺ ներկայացրած միջնորդագրում մեղադրանքի բովանդակության եւ կալանավորման միջնորդության մեջ մեղադրանքի բովանդակության էական տարբերությունը, նաեւ այն, որ այս ամենը քաղաքական բնույթ է կրում, դրա վերաբերյալ ունենք մանրամասն վերլուծություններ։ Կարծում ենք, որ այդ փաստարկները պետք է քննությանա ռարկա դառննա, որովհետեևառաջին ատյանի դատարանը նշել էր, որ դրանք այս փուլում ենթակա չեն քննության, բայց մեր դիրքորոշմամբ այն պետք է քննվի, տեսնենք ինչ կաստացվի»։
Ավելի վաղ հայտնել ենք, որ այսօր՝ հուլիսի 2-ին, վերաքննիչ քրեական դատարանում (դատավոր Մխիթար Պապոյանի նախագահությամբ) քննվելու է Դատախազության բողոքը՝ Գագիկ Ծառուկյանին չկալանավորելու վերաբերյալ առաջին ատյանի դատարանի որոշման դեմ, ինչպես նաև Ծառուկյանի պաշտպանների բողոքը։
