«Կամք» նախաձեռնության համակարգող և ղեկավար Վահագն Չախալյանը ձերբակալվել է կալանքը որպես խափանման միջոց կիրառելու համար դատարան ներկայացնելու նպատակով, Armenia Today-ին հայտնեց Քննչական կոմիտեի մամուլի քարտուղար Կիմա Ավդալյանը։
Նրա խոսքով՝ «Սրբազան պայքար» անվանումով շարժման ղեկավարների և մասնակիցների կողմից ահաբեկչության և իշխանությունը յուրացնելու նախապատրաստություն կատարելու վերաբերյալ քրեական վարույթով քննիչի միջնորդության հիման վրա կայացված դատախազի որոշմամբ քրեական հետապնդում է հարուցվել Չախալյանի նկատմամբ՝ ՀՀ քրեական օրենսգրքի 43-419-րդ հոդվածի 1-ին մասով և 43-308-րդ հոդվածի 1-ին մասով։
Այսօր ավելի վաղ իրավապաշտպան Ռուբեն Մելիքյանը հայտնել էր, որ Չախալյանը ձերբակալվել է և գտնվում է Քննչական կոմիտեի՝ Մազմանյան 5 հասցեի մասնաշենքում։
Չախալյանին ձերբակալել էին նաև հունիսի 27-ին, որի պատճառը նաև հարազատներին չէին հայտնել։ Նույն օրը ԱԱԾ աշխատակիցները քննչական գործողություններ էին իրականացրել Շիրակի թեմի առաջնորդարանում և Գարեգին Բ-ի նստավայրում։ Հունիսի 28-ին Աջապահյանը 2 ամսով կալանավորվել էր՝ իշխանության զավթման մեղադրանքով։
Փաստաբանները հունիսի 2-ին միջնորդություն էին ներկայացրել դատախազություն՝ Շիրակի թեմի առաջնորդի նկատմամբ քրեական հետապնդումը դադարեցնելու վերաբերյալ:
