Հակակոռուպցիոն դատարանը կառավարությանն առընթեր հարկային պետական ծառայության օպերատիվ-հետախուզական գործունեության բաժնի նախկին աշխատակիցներին պարտավորեցրել է 1,6 մլն դոլարի փոխհատուցում վճարել պետությանը պատճառված վնասի համար, հայտնում է Գլխավոր դատախազության մամուլի ծառայությունը։
Այս գործով ամբաստանյալներ էին բաժնի պետի տեղակալ Գ.Մ.-ն, բաժնի 6-րդ բաժնի պետ Ա.Հ.-ն և օպերլիազոր Բ.Ա.-ն։ Դատախազությունը պնդում է, որ 2007 թվականին Ա.Հ-ն., Պ.Խ.-ն և Բ.Ա.-ն Գ.Մ.-ի ցուցումով ընկերությունում ստուգումը կատարել են ոչ պատշաճ կերպով։ Ընկերությունից գանձվել է ընդամենը 3,6 մլն դրամի հավելյալ հարկային պարտավորություն, մինչդեռ գրանցման ենթակա լրացուցիչ հարկային պարտավորությունը պետք է կազմեր 299,3 մլն դրամ։
Գերատեսչությունը հավելել է, որ նույն բաժնի օպերլիազորները կրկին ոչ պատշաճ ստուգում են անցկացրել նույն ընկերությունում 2008թ.-ին։ Արդյունքում՝ ընկերությունից գանձվել է ընդամենը 6 մլն դրամի հավելյալ հարկային պարտավորություն, մինչդեռ գրանցման ենթակա գումարը պետք է կազմեր 330,2 մլն դրամ։
