Հուլիսի 21-ի կեսօրին Երևանի «Զվարթնոց» միջազգային օդանավակայանում ՌԴ քաղաքացի է մահացել, հայտնում է ՏԱՍՍ-ը՝ հղում անելով իր աղբյուրներին։
Ըստ աղբյուրի՝ տղամարդն Իտալիայից Ռուսաստան էր թռչում Երևանի տարածքով։
«ՌԴ քաղաքացի հանդիսացող ամուսնական զույգը Երևան էր ժամանել Իտալիայից։ Գրանցումից հետո տղամարդու ինքնազգացողությունը վատացել է, դեպքի վայր ժամանած բժիշկներն արձանագրել են նրա մահը»,- հայտնել է գործակալության զրուցակիցը:
Աղբյուրները նաև հավելել են, որ փաստի առթիվ իրավասու մարմինների կողմից ընթացակարգերին համապատասխան հարուցվել է քրեական վարույթ:
