Ապրիլի 11-ին Երևանում ՀՀ ՆԳՆ ոստիկանության հատուկ նշանակության գումարտակի (կարմիր բերետավորներ-խմբ․) հրամանատար Հայկազ Ջոմարդյանի մասնակցությամբ ավտովթար է տեղի ունեցել, նախաձեռնվել է քրեական վարույթ, գրել է Shamshyan.com-ը։
Կայքի տեղեկություններով՝ ժամը 19:50-ի սահմաններում Երևան քաղաքի Հր. Աճառյան և Կոտայքի մարզի Առինջ գյուղի Մ. Մաշտոց փողոցների խաչմերուկում բախվել են Շիրակի մարզի բնակիչ Մերուժան Առաքելյանի վարած Mercedes, Գեղարքունիքի մարզի բնակիչ Ջոմարդյանի վարած Toyota և Տավուշի մարզի բնակիչ Արմեն Բալդրյանի վարած Mercedes մակնիշի ավտոմեքենաները։
Դեպքի վայր ժամանած Երևանի շտապօգնության բժիշկների կողմից Բալդրյանը տեղում բուժօգնություն է ստացել, սակայն հրաժարվել է հիվանդանոց մեկնել, հավելել է կայքը։
