Անթալիայից Ղազախստանի մայրաքաղաք Աստանա թռչող Pegasus Airlines ավիաընկերության ինքնաթիռն արտակարգ վայրէջք է կատարել Էրզրումում՝ ուղևորների միջև ծեծկռտուքի պատճառով։
Թռիչքի ընթացքում ուղևորների միջև վեճը, որի պատճառները չեն նշվում, վերածվել է ծեծկռտուքի։ Ինքնաթիռի անձնակազմը որոշել է դադարեցնել թռիչքը և վայրէջք կատարել Էրզրումի օդանավակայանում։
Ըստ թուրքական լրատվամիջոցների՝ ծեծկռտուքին մասնակցել են ուկրաինացի ամուսիններ և Ղազախստանի երկու քաղաքացի։ Միջադեպին մասնակից բոլոր չորս անձինք բուժզննման նպատակով տեղափոխվել են հիվանդանոց, որից հետո՝ ոստիկանական բաժանմունք՝ հետագա հետաքննության համար։
