Մեղրիի համայնքապետարանը մեկնաբանել է Մեղրիի համայնքապետ Խաչիկ Անդրեասյանի օգնական, 35-ամյա Նաիրի Զաքարյանի մահվան պատճառների մասին ԶԼՄ-ներում տարածված լուրը։ Համայնքապետարանում հորդորել են սպասել քննության ավարտին:
«Զաքարյանի վերաբերյալ մամուլում շրջանառվող նյութերը չեն համապատասխանում իրականությանը։ Գործը քննվում է իրավապահ մարմինների կողմից և մինչև ավարտը խնդրում ենք զերծ մնալ անհիմն հրապարակումներից»,- ասվում է հաղորդագրության մեջ։
Փետրվարի 7-ին «Հրապարակ» օրաթերթը գրել էր, որ Զաքարյանը փետրվարի 6-ին ինքնասպանություն է գործել։ Թերթի տեղեկություններով՝ «ինքնասպանության պատճառի ամենատարածված վարկածը խաղամոլության հետևանքով կուտակած պարտքերն էին»։
