Ռուսաստանի և Հայաստանի միջև գյուղատնտեսական ապրանքների շրջանառությունը 2024 թվականին 2023 թվականի համեմատ աճել է 16,2%-ով, Ռուս-հայկական գործարար խորհրդի ընդլայնված նիստում հայտնել է ՌԴ տնտեսական զարգացման նախարարի տեղակալ Դմիտրի Վոլվաչը։
Նրա խոսքն ընթերցել է ՌԴ տնտեսական զարգացման նախարարության ԱՊՀ երկրների հետ տնտեսական համագործակցության վարչության փոխտնօրեն Դանիիլ Տուրլանովը։
Վոլվաչը նշել է, որ ռուսական արտադրանքի արտահանումը Հայաստան աճել է 9,7%-ով, իսկ ներմուծումն աճել է 21,8%-ով։ Նա ընդգծել է ռուս-հայկական առևտրի դրական դինամիկան։
ՌԴ-ում ՀՀ դեսպան Գուրգեն Արսենյանը նշել է, որ «Հայաստանի դեսպանությունը միշտ ամեն ինչ անում է՝ լսելու, անհրաժեշտ քայլեր ձեռնարկելու և հուզող բոլոր հարցերը Հայաստան փոխանցելու համար։
«Մեր գործարար համագործակցությունը ժողովուրդների բարեկամության հիմքերից մեկն է»,- ընդգծել է Արսենյանը։
Դեսպանը հիշեցրել է, որ Ռուսաստանի և Հայաստանի միջև ապրանքաշրջանառությունը 2024 թվականի վերջին հասել էր ռեկորդային՝ 12 մլրդ դոլարի։
2024 թվականի սեպտեմբերին 13-ին ՌԴ փոխվարչապետ Ալեքսեյ Օվերչուկը հայտարարել էր, որ 2023 թվականին երկու երկրների միջև առևտուրն աճել էր 55,8 տոկոսով՝ մինչև 7,4 մլրդ դոլար։ Նա նշել էր, որ 2024թ․ առաջին կիսամյակում ապրանքաշրջանառությունը կազմել էր 8,4 մլրդ դոլար և մինչև տարեվերջ կարող է հասնել 14-16 մլրդ դոլարի։
