Տերյան մշակութային կենտրոնի «Ֆրանսիական ռիթմեր՝ նվիրված Ազնավուրի հիշատակին» մշակութային լայնածավալ ծրագիրը տեղափոխվում է Հայաստան, հուլիսի 11-ին՝ ժամը 19:00-ին, Գյումրու Թատերական հրապարակում կկայանա միջոցառման հանդիսավոր բացումը, հայտնում է ԿԳՄՍՆ-ն:
Միջոցառման ընթացքում նախատեսվում է ժամանակակից հագուստի ցուցադրություն՝ ոգեշնչված Հայաստանի ազգային հերոս Շառլ Ազնավուրի արվեստից, համերգային ծրագիր՝ մշակութային հույզերով ու երաժշտական արտահայտչականությամբ, ինչպես նաև ազգային հագուստի ցուցադրություն՝ ներկայացնելով հայ նորաձևության ժառանգական շերտերն ու դրանց ժամանակակից մեկնաբանությունները։
Ծրագրի նպատակն է ստեղծել միջմշակութային համագործակցության նոր հարթակ, որտեղ համադրվում են հայկական մշակութային ինքնատիպությունը և ֆրանսիական արվեստի նրբերանգները։ Այն կշարունակվի նաև Վրաստանում և Չեխիայում։
Երևանում հուլիսի 18-ին նախատեսվում է Ազնավուրի հուշարձանի պաշտոնական բացումը:
