Հայ տենոր Արսեն Սողոմոնյանը մայիսի 23-ին հաղթական նորամուտն է նշել «Մետրոպոլիտեն» օպերայի թատերախմբում ՝ կատարելով մոլախաղեր խաղացող Գերմանի դերերգը Պյոտր Չայկովսկու Пиковая дама օպերայում, հայտնում է Նյու Յորքի օպերայի Ֆեյսբուքի պաշտոնական էջը։
«Մետրոպոլիտեն» օպերայից ընդգծել են, որ այն խաղացանկում ամենաբարդ պարտիաներից մեկն է: Սողոմոնյանի կատարումը բարձր է գնահատվել հուզական ուժի և դրամատիզմի համար, իսկ եզրափակիչ փորձի երկու տեսարան անվանել են «էլեկտրականացնող»:
«Մետրոպոլիտեն» օպերան համարվում է Արևմտյան կիսագնդի գլխավոր օպերային բեմը և աշխարհի ամենահայտնի թատրոններից մեկը։ Թատրոնը հայտնի է իր խոշոր ներկայացումներով և նրանով, որ իր բեմում հանդես են գալիս ինչպես դասական, այնպես էլ ժամանակակից երգացանկի առաջատար օպերային կատարողներ:
Пиковая дама-ի նոր բեմադրությունը կանադացի դիրիժոր Քերի-Լին Ուիլսոնի ղեկավարությամբ ցուցադրվել է մինչև հունիսի 7-ը։ Ներկայացմանը մասնակցում է նաև սոպրանո Սոնյա Յոնչևան:
