Ռուսաստանի ժողովրդական արտիստ Միխայիլ Բոյարսկին, որն ապրիլից ներկայացման չի մասնակցում, կվերադառնա բեմ, հայտնում է ՏԱՍՍ-ը՝ վկայակոչելով Լենսովետի հաղորդագրությանը։
«Ընկերներ, մենք հիանալի նորություն ունենք. այսօր «Այս քաղցր հին տանը» ներկայացման մեջ Էրաստ Պետրովիչի դերը կկատարի Բոյարսկին»,- ասվում է թատրոնի հայտարարության մեջ։
Մայիսի սկզբին թատրոնը հայտարարել էր այս ներկայացման դադարեցման մասին մինչև խաղաշրջանի ավարտը, քանի որ այդ ժամանակ բժիշկները Բոյարսկուն խորհուրդ չէին տալիս մոտ ապագայում բեմ բարձրանալ արագ ապաքինման համար։
Ապրիլին արտիստի կինը՝ Լենսովետ թատրոնի գեղարվեստական ղեկավար Լարիսա Լուպյանը, հայտնել էր, որ Բոյարսկին ընկել է բեմից, նրա մոտ ախտորոշվել է կողոսկրի կոտրվածք և թոքի կապտուկ։ Արտիստը այնուհետև հոսպիտալացվել էր, նրա դուրսգրման մասին հայտնի էր դարձել ապրիլի 23-ին։
