Կյանքից հեռացել է ՀՀ արվեստի վաստակավոր գործիչ, ռեժիսոր և դերասան Ռաֆայել Գրիգորյանը, հայտնել են «Գոյ» թատրոնից։
«Նա մեր բեմում կերտել է անմոռանալի կերպարներ՝ իր բացառիկ տաղանդով ու նվիրվածությամբ հարստացնելով մեր թատերական պատմությունը։ Նրա վառ ներկայությունը միշտ էլ զգալի էր թե՛ բեմում, թե՛ կուլիսներում՝ իր հոգատարությամբ, անկեղծությամբ և արվեստի հանդեպ խոր սիրով»,- ասված է թատրոնի հրապարակման մեջ։
Թատրոնը ցավակցում է վարպետի ընտանիքին, հարազատներին, ընկերներին և նրա արվեստի բոլոր երկրպագուներին։
