Հայ ծովանկարիչ Հովհաննես Այվազովսկու «Լուսնային գիշեր» կտավը վաճառքի կհանվի Մոսկվայի աճուրդի տանը, հայտնում է աճուրդի տան կայքը։
«Կոշտ վերականգնման հետքերը որոշակիորեն նվազեցնում են ստեղծագործության գեղարվեստական արժանիքները, սակայն պետք է ընդունել, որ ուսումնասիրվող կտավն Այվազովսկու հասուն աշխատանքի բնորոշ օրինակն է»,- ասվում է Պետական ռուսական թանգարանի կից նամակում։
Նկարում առագաստանավը շրջում է փոքրիկ կղզու վրա գտնվող աշտարակի շուրջը, որը երևում է Այվազովսկու նկարներում՝ 1840-ականների վերջի Կոստանդնուպոլիսի տեսարաններով, ավելացրել է թանգարանը։
Աճուրդը կկայանա փետրվարի 18-ին։ Կազմակերպիչներն աճուրդն անվանել են Chtistie’s & Sotheby’s-ի անալոգը Ռուսաստանում:
2021 թվականի նոյեմբերին Այվազովսկու «Սև ծովի Գենուեզյան աշտարակները» կտավը 1 միլիոն եվրոյով վաճառվել էր Լոնդոնի Christie’s աճուրդի տան ռուսական արվեստի աճուրդում։ 2023 թվականի դեկտեմբերին «Նավը ծովում՝ սարերի ֆոնին» կտավը դարձել էր ռուսական աճուրդի հոլդինգի առաջին առանցքային լոտերից մեկը։
