Այսօր հայ մեծանուն կոմպոզիտոր, ՀԽՍՀ ժողովրդական արտիստ Տիգրան Մանսուրյանը նշում է ծննդյան 85-ամյակը:
Նա հեղինակ է նվագախմբային, կամերային, երգչախմբային և վոկալ գործերի, որոնք կատարվել են ամբողջ աշխարհում։ Մանսուրյանը գեղարվեստական նոր հիմքի վրա վերածնել է կոմիտասյան մոտիվները։
2022 թվականին Հայաստանում հայկական դասական և ժամանակակից երաժշտության ու պոեզիայի վերածնման նպատակով կազմակերպվել է Մանսուրյանի անվան Կոմպոզիտորների միջազգային մրցույթ։
Տիգրան Մանսուրյանի «Ռեքվիեմն» արժանացել է Դասական երաժշտության միջազգային մրցանակին՝ «Ժամանակակից երաժշտություն» անվանակարգում:
Փետրվարի 4-ին, ժամը 19։00-ին Կոմիտասի անվան կամերային երաժշտության տանը կկայանա Մանսուրյանի 85-ամյակին նվիրված համերգ, որի ընթացքում կհնչեն մաեստրոյի տարբեր շրջաններում գրած ստեղծագործություններ:
Հունվարի 14-ին հայտնել էինք, որ հունվարի 27-ին՝ ժամը 19։30-ին, «Արամ Խաչատրյան» համերգասրահում տեղի կունենա հայ մեծանուն կոմպոզիտորի 85-ամյակին նվիրված հոբելյանական երեկո։
