Ջիջի Հադիդին և Լեոնարդո Դի Կապրիոյին այս շաբաթ երկրորդ անգամ նկատել են լոնդոնյան ռեստորանում՝ դերասանի ծնողների հետ ընթրելիս։ Այս մասին հայտնում է Daily Mail-ը և ներկայացնում համապատասխան լուսանկարներ։
28-ամյա Ջիջի Հադիդը և 49-ամյա Լեոնարդո Դի Կապրիոն երեկոն անցկացրել են դերասանի ընտանիքի՝ նրա հոր Ջորջի և խորթ մոր՝ Փեգի Ֆարարի հետ Լոնդոնի Chiltern Firehouse ռեստորանում։ Լրագրողների տեղեկություններով՝ նախ հաստատություն է ժամանել մոդելը, իսկ դերասանն ու նրա ծնողները մի քանի րոպե անց ետնամուտքով են ներս մտել։
Երեքշաբթի՝ հունիսի 7-ին, հրապարակվել էին Հադիդի և Դի Կապրիոյի համատեղ լուսանկարները, որոնք արվել էին չինական China Tang ռեստորանում՝ ընթրիքի ժամանակ, որը կազմակերպել էր բրիտանական Vogue-ի խմբագիր Էդվարդ Էննինֆուլը։ Զույգի հետ միասին ընթրիքին ներկա են եղել Դի Կապրիոյի ծնողները, ինչի պատճառով լրագրողները դերասանին առաջարկել են վերջապես որոշել մոդելին ներկայացնել իր ընտանիքին։
Ջիջի Հադիդի և Լեոնարդո Դի Կապրիոյի սիրավեպի մասին խոսակցություններն առաջին անգամ մամուլում հայտնվել էին 2022 թվականի սեպտեմբերին։
