Հայաստանի խորհրդարանի ու քաղաքապետարանի շենքերը լուսավորվել են Լիբանանի դրոշի գույներով

Հայաստանի խորհրդարանի շենքը փողփողվել է Լիբանանի դրոշի գույներով։ Այս մասին Facebook-ում հայտնել է ՀՀ ԱԺ նախագահ Արարատ Միրզոյանը ։

Նա գրել է, որ ակցիան անցկացվել է՝ ի նշան եղբայրական Լիբանանին մեր զորակցության։

https://www.facebook.com/President.Parliament.AM/videos/2740226452879699/?__tn__=kCH-R&eid=ARBGDUgjjov8ycjK5tk97LYDTc1twx_mpUOlOuAVmjK0NI6StqqknsrmIGhtW76FGRIGABE9dRRA6ckl&hc_ref=ARTFlIKnWU2iZwVi3WsGtNI-DTXZHfcn6CX4yVyeduSUFYsJjy0hAymzdsOjSfdOS8k&__xts__%5B0%5D=68.ARDsZQXWwiQOkTKlIYfRQEmQw13AZZxuNVRDcb7ogePdAKJGIj2A5JRVbSpfilsRs_rwaDq9J1yrrabPa6qvphC27u8WU-Mnq6gg3B-o5tWnW-StB34Tv0M17t3iumuR40pI9dlEvOG_1CVtTXdFXBHeMIWNz0snpKkWLxWwnLi4reE-Wyc43bh2BwHyBCQNfDB214QzCc3tvY1JETK7LsJ6X91yCN0RhNktgm3BiRDzhCFm5ei9TjKD54YHyCv6LEfJhc0j_rlJW_O9P9dviU98OwHnhSleJHeQ3iLys5asOicNk2xliwug8bPatKBA6_-nBlJZTM6AaNBEjwOUy29WoP9uZx40YKy6ZqkfJYXrsU35f5FSA7Mtck0b6gJcFmmvGDIsQx3UF_OOUPyChfVmbJ7LWWHb3zDviovEcz8xXiuLNBIQgYDssljKbnDj44-hpEXjXBT11qm24li_zKLJv2hSFlXDyLejykYqEqfNf37BBHPOQYJJb1TBtCk7sXc6F-ChKw

Երևանի քաղաքապետարանի շենքը օգոստոսի 6-ին ևս լուսավորվել էր Լիբանանի դրոշի գույներով։
«Մտքերով ու աղոթքներով եղբայրական Բեյրութի հետ ենք»,-Facebook-ում գրել է Երևանի քաղաքապետ Հայկ Մարությանը:

https://www.facebook.com/HaykMarutyanMayor/videos/436562467299704/

Հիշեցնենք՝ օգոստոսի 4-ին հզոր պայթյունը ցնցել է Լիբանանի մայրաքաղաք Բեյրութը: Ստացվող տեղեկությունները տարբեր են, որոշ աղբյուրներում նշվում է երկրորդ պայթյունի մասին ևս: Ականատեսները տեսանկարահանել են կատարվածն ու ներկայացրել ավերածությունները, որոնք տեղի են ունեցել շրջակայքում: Առաջին պայթյունը որոտացել է քաղաքային նավահանգստում տեղական ժամանակով երեկոյան 18:00-ից հետո: Րոպեներ անց, ըստ որոշ հրապարակումների, ավելի մեծ պայթյուն է որոտացել: Տեսանկարահանումը ֆիքսել է հարվածային ալիքը, որը ցնցել է մի քանի կիլոմետր հեռավորությամբ գտնվող շինությունները:

Իսրայելի պաշտոնյաները հայտարարում են, որ պաշտոնական Երուսաղեմը ոչ մի կապ չունի Լիբանանի մայրաքաղաք Բեյրութի նավահանգստում տեղի ունեցած պայթյունի հետ:
Նշվում է, որ զոհվել է ավելի քան 135, վիրավորվել՝ 5000 մարդ։ ԶԼՄ-ների հաղորդմամբ՝ զոհվել է 11հայ։
Ավելի քան 300 հազար մարդ մնացել է անօթևան, իսկ Բեյրութի նահանգապետ Մարվան Աբուդը հայտարարել է, որ պայթյունից կորուստները գնահատվում են 10-ից մինչև 15 միլիարդ դոլարի չափով:
Լիբանանի նախարարների կաբինետը մայրաքաղաքում երկշաբաթյա արտակարգ դրություն է հայտարարել և քաղաքում անվտանգության վերահսկողությունը հանձնել զինվորականներին: