ՀՀ պաշտպանության նախարար Սուրեն Պապիկյանը Լիտվայի ազգային պաշտպանության նախարար Դովիլե Սակալիենեի և Էստոնիայի պաշտպանության նախարար Հանո Պևկուրի հետ քննարկել է պաշտպանական ոլորտում համագործակցության հարցը, հայտնում է ՀՀ ՊՆ մամուլի ծառայությունը։
Լիտվացի պաշտոնակցի հետ Պապիկյանը քննարկել է երկկողմ համագործակցության ընթացքը, նախանշվել են փոխգործակցության նոր ուղղություններ։ Կողմերը պատրաստակամություն են հայտնել շարունակել սերտ համագործակցությունն ինչպես երկկողմ, այնպես էլ բազմակողմ՝ ՆԱՏՕ-ի և ԵՄ ձևաչափերով։
ՀՀ արտաքին գերատեսչության ղեկավարը Պևկուրի հետ պայմանավորվածություն է ձեռք բերել նախաձեռնել փոխգործակցություն պաշտպանության ոլորտում՝ հեռանկարային համարելով կիբեռանվտանգության ուղղությունը։
Հանդիպումները կայացել են Պապիկյանի՝ ԳԴՀ կատարած աշխատանքային այցի շրջանակում։
Փետրվարի 14-ին Պապիկյանը Բելգիայի, Լյուքսեմբուրգի և Շվեդիայի գործընկերների հետ քննարկել էր համագործակցության հեռանկարները։ Նա պայմանավորվել էր համագործակցել իտալացի պաշտոնակից Գուիդո Կրոզետտոյի հետ։
