Վաշտի հրամանատար Անդրեյ Ավագյանը հունվարի 31-ին կդառնար 33 տարեկան: Արցախյան առաջին պատերազմում զոհված հայրիկից ժառանգել էր հայերանասիրական ոգին ու փոքր տարիքից ձգտում էր զինվորական դառնալ:
«Ուզում էր ընդունվել Վազգեն Սարգսյանի անվան ռազմական համալսարան: Ես դեմ էի, բայց համոզեց: Անդրեյը շատ հայրենասեր էր, իր զինվորներին ասում էր՝ երեխեքս: Հոգսերն իր համար երկրորդական էին, առաջնահերթն իր գործն էր»,- պատմում է Անդրեյի մայրը՝ Լիրա Ավագյանը:
Անդրեյ Ավագյանը մասնակցել է նաև Ապրիլյան պատերազմին՝ ապրիլի 3-ին կատաղի գրոհ ձեռնարկելով հայկական հենակետ ներխուժած հակառակորդի դեմ: Իր մարտական խնդիրը կապիտանը պատվով է կատարել նաև 44-օրյա պատերազմի ժամանակ: Առաջնագծից, ցավոք, նա այլևս չվերադարձավ ո՛չ հայրենի Հադրութ, ո՛չ էլ ընտանիք:
Մանրամասները՝ «Զինուժի» տեսանյութում:
