Հարավային ռազմական օկրուգի բանակային ավիացիան գործիքների կիրառմամբ հետախուզություն կիրականացնի Հայաստանի լեռներում: Այս մասին հայտնում է ՌԴ ՊՆ-ն:
Հարավային ռազմական օկրուգի ռազմակայանի բանակային ավիացիայի Ми-8МТВ-5 և Ка-52 մարտական ուղղաթիռների անձնակազմերը գիշերային ժամերին ուսումնավարժական թռիչքներ կիրականացնեն Հայաստանի լեռներում գիշերային տեսողության սարքերի միջոցով։
Ուսումնական միջոցառումների ընթացքում ուղղաթիռի օդաչուները կյուրացնեն օդաչուական հմտություններ՝ լեռների լանջերով թռչելիս, կիրճեր անցնելիս և 1,5-4 հազար մետր բարձրության վրա ցերեկային և գիշերային անցումներ հաղթահարելիս, այդ թվում՝ եղանակային բարդ պայմաններում։
Փորձառու հրահանգիչները օդաչուների հետ կիրականացնեն գործնական պարապմունքներ լեռնային շրջաններում կողմնորոշման և գործողությունների հիմունքների վերաբերյալ: Դասընթացի առանձնահատկությունն է լինելու ժամանակակից գրոհային ուղղաթիռների անձնակազմի պատրաստումը գիշերային թռիչքների համար՝ գիշերային տեսողության սարքերի կիրառմամբ։
Առանձնահատուկ ուշադրություն է դարձվելու լեռնային տեղանքում օդաչուների վստահ գործիքային կողմնորոշման պատրաստմանը:
