ԱՄՆ նախագահ Դոնալդ Թրամփը չի բացառել, որ Իրանի ռեժիմի փոփոխությունը ողջունելի կլիներ:
««Ռեժիմի փոփոխություն» տերմինի կիրառությունը քաղաքականապես ճիշտ չէ, բայց եթե Իրանի ներկայիս ռեժիմը չի կարողանում Իրանը կրկին մեծ դարձնել, ապա ինչո՞ւ ռեժիմի փոփոխություն տեղի չունենա»,- գրել է նա Trurh social հարթակում։
Թրամփը պնդել է, որ հունիսի 22-ին Իրանի բոլոր միջուկային օբյեկտներին հասցված հարվածներն ահռելի վնաս են պատճառել՝ հղում անելով արբանյակային պատկերներին:
««Ավերում» բառը ճշգրիտ տերմինն է: Ամենամեծ վնասը տեղի է ունեցել գետնի մակարդակից շատ ցածր»,- գրել է նա:
Իսրայելը հունիսի 12-ի լույս 13-ի գիշերը հարվածել էր Իրանին։ Նույն օրն Իրանը բալիստիկ հրթիռների կիրառմամբ պատասխան հարվածներ էր հասցրել Իսրայելին։ Պաշտոնական Երևանը դատապարտել էր Իսրայելի միակողմանի հարձակումն Իրանի վրա։ Երկու կողմն էլ հայտնել է զոհերի և բազմաթիվ տուժածների մասին: Հունիսի 22-ի գիշերն ԱՄՆ-ն հարձակվել էր Իրանի երեք միջուկային օբյեկտի վրա։
