Իսլամական հեղափոխության պահապանների կորպուսը (ԻՀՊԿ՝ Իրանի զինված ուժերի էլիտար ստորաբաժանումները) հաստատել է իսրայելական հարվածների հետևանքով ԻՀՊԿ հետախուզության ղեկավար Մոհամմադ Քազեմիի մահը, հայտնել է ՏԱՍՍ-ը։
Հայտարարության համաձայն՝ Քազեմիի հետ սպանվել են նրա երկու գործընկերները՝ Հասան Մոհակակը և Մոհսեն Բագերին։ Նշվում է, որ նրանք նույնպես բարձրաստիճան հետախուզության աշխատակիցներ էին։
Իսրայելը հունիսի 12-ի լույս 13-ի գիշերը հարվածել էր Իրանին։ Նույն օրն Իրանը բալիստիկ հրթիռների կիրառմամբ պատասխան հարվածներ էր հասցրել Իսրայելին։ ՀՀ ԱԳՆ-ն դատապարտել էր Իսրայելի հարձակումն Իրանի վրա։
