Ռուսաստանն ու Ուկրաինան մայիսի 25-ին 303-ը 303-ի դիմաց գերիների փոխանակում են իրականացրել, հայտնել է «Ռիա Նովոստին»՝ հղում անելով ՌԴ ՊՆ-ին։
Կիևի վերահսկողության տակ գտնվող տարածքից վերադարձվել է 303 ռուս զինծառայող, իսկ ՌԴ-ն Ուկրաինայի զինված ուժերի 303 ռազմագերու է փոխանցել, մանրամասնել են ՌԴ ՊՆ-ից։
Գերիներին փոխանակել են մայիսի 16-ին Ստամբուլում ձեռք բերված ռուս-ուկրաինական պայմանավորվածությունների՝ 1000-ի դիմաց 1000 բանաձևի համաձայն։
Ռուսաստանն ու Ուկրաինան Ստամբուլում մայիսի 16-ին ուղիղ բանակցություններ էին անցկացրել և պայմանավորվել գերիների փոխանակման և բանակցությունները շարունակելու մասին։
