Քննչական կոմիտեն քրեական գործ է հարուցել ադրբեջանցի բլոգերի կողմից Երևանի կենտրոնում նկարահանված տեսանյութի դեպքի առթիվ, որում նա նշում է, թե գտնվում է իր «պատմական քաղաքում», Armenia Today-ին հայտնեց Քննչական կոմիտեի մամուլի քարտուղար Կիմա Ավդալյանը։
Գործը հարուցվել է Քրեական օրենսգրքի 422-ի 2-րդ մասով (Իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը, որը կատարվել է հրապարակայնորեն ցուցադրվող ստեղծագործությունները կամ զանգվածային լրատվության միջոցները կամ տեղեկատվական կամ հաղորդակցական տեխնոլոգիաներն օգտագործելով, որը պատժվում է ազատազրկմամբ՝ առավելագույնը հինգ տարի ժամկետով)։
Ադրբեջանցու տեսանյութը համացանցում տարածվել էր մարտի 25-ին, որում նա շրջում է Երևանով՝ ծաղրելով կառավարության շենքի դիմաց բողոքի ակցիա անցկացնող քաղաքացիներին, ինչպես նաև Հայաստանի մայրաքաղաքի տեսարանը։
