Նիկոլ Փաշինյանը դեկտեմբերի 4-ին Ազգային ժողովում կառավարական հարցուպատասխանի ժամանակ պատասխանել է Գրիբոյեդովի արձանի հետ կապված վանդալիզմի վերաբերյալ հարցին:
Նիկոլ Փաշինյանը դատապարտել է այդ քայլը` այն հստակորեն որակելով որպես վանդալիզմ:
Ըստ Վարչապետի` նման արարքները որոշ ուժերի կողմից օգտագործվում են որպես սադրանք` հայ-ռուսական հարաբերությունների մեջ սրացումներ մտցնելու համար:
«Գրիբոեդովը խորհրդանշում է Հայաստանի ընտրությունը` Հայաստանը պետք է լինի եվրոպական, թե ասիական պետություն»,-նշել է Նիկոլ Փաշինյանը` հավելելով, որ Գրիբոեդովը խորհրդանշում է մեր պատկանելությունը եվրոպական քաղաքակրթությանը:
